UMbiko ngoCwaningo olweziwa emva kwesiBhicongo esavezwa ulaka lwamaphoyisa edubula abasebenzi eMarikana eminyakeni emithathu edlule [16.08.2012] uze wagcina uphethiwe, wethulwa emphakathini njengoba kufanele, wethulwa nguMongameli kaZwelonke, uMhlonishwa uJacob Zuma, okunguyena owayejubé ijaji nabelekeleli balo ukuthi benze ucwaningo lolo.
Lo mbiko sisazowuhumushela esiZulwini, usatholakala ngesiLungu-nje kuphela – nanku lapha >> uMbiko ngesiBhicongo saseMarikana [2012].
*
Asebewufundile lo mbiko bawemukela ngezindlela ezehlukene:
- Abasinda enhlekeleleni, abafelokazi nezintandane zabasebenzi ababulawa lapho kanye nabathile ababanjwa, baboshwa, bethweswa icala, imindeni nomakhelwane babo bawufunda, bawemukele ngokwabo lo mbiko.
- Kanjalo nezihlobo nabefundisi nothishela nomphakathi-jikelele – bonke ababethinthene nabaningi ababulawa nabasindayo nababoshwa nabalilayo.
Omunye emphakathini owayexhumene nabasebenzi ezimayini zaseMarikana nemindeni yabo ikakhulukazi ngezinsuku zeziteleka eminyakeni emithathu edlule [2012] nguMfundisi uSeoka, uMbhishobhi weBandla laseShesi kwelasePitoli.
UMbishobhi uSeoka lokhu abakhona njengesethenjwa somphakathi wabasebenzi kanye nemindeni yabo eMarikana ekusukeni kodaba lokuxazulula inkinga yamaholo eminyakeni emithathu edlule [2012] kuze kube namuhla. Kulabo abadutshulwa baningi ababemazi, bemethemba uMfundisi uSeoka.
Umbono kaMbhishobhi uSeoka sisazowuhumushela esiZulwini, nawo usatholakala ngesiLungu-nje kuphela – nanku lapha >> uMbhishobhi uSeoka: Icala lethweswa abasebenzi abadutshulwa .
nguBheni wakwaKhumalo eBaQulusini [Ben Khumalo-Seegelken]
Kommentieren