ubuNtuAya ngokwanda amazwi emphakathini muva-nje
– ikakhulukazi kubacwaningi nakubahlaziyi kwezolwazi ngokubhobokelana nokwethekelelana nobudlelwano [knowledge-systems concerning communication, exchange of perceptions and interconnectedness] kanye nabakwezombusazwe (abezepolitiki) –
abalisa ngokubaluleka kobuNtu –
okuyingqondo nenqubo
ephakamisa
- °ukuzithanda luqobo lwakho
°isimilo
°ukwazisana nokubonelelana.
Ingqondo nomoya wobuNtu
kungokwendabuko
kanti futhi kukhuthalelwe kakhulukazi eMzansi-Afrika ²
°ekhaya, kwabomndeni, ezihlotsheni,
°kubangani, kontanga
°komakhelwano,
°emphakathini jikelele.
Ikakhulukazi ebunzimeni nasezinxushunxushwini, ezingxabanweni zombango nasezikathini zodweshu nezezimpi
aqhamuka ngokwandile amazwi akhumbuzana ngokubaluleka kobuNtu
kanye nagqugqumezela ngesidingo sokukhumbuzana nokukhuthazanelana ubuNtu.
„Umuntu ngumuNtu ngabaNtu“
„INkosi yiNkosi ngabaNtu“ …
EMzansi-Afrika, eYurophu, eMelika nakwezinye izingxenye zomhlaba ayanda muva-nje amazwi abalisa ngokubaluleka kobuNtu kanye nagqugqumezela ngesidingo sokukhumbuzana nokukhuthazanelana ubuNtu.
°Kwenziwa yini lokho? [Asuswa yini phansi? Ahloseni? Ayecashephi sonke lesi sikhathi, njengoba eseqhamuka namuhla-nje?]
°Kuhlosweni? [kwabamaqembu ezepolitiki, kubacwaningi nakubahlaziyi kwezolwazi nasemphakathini jikelele?]
Sihlongoza ingxoxo okufanele kubhekiswane kuyo ngengqondo nangenqubo yokwazisana nokubonelelana eyaziwa ngokuthi „ubuNtu“, kucotshelelwane ulwazi eshashalazini elibanzi, kucetshiswane ngamasu ubuNtu obungavuselelwa buchunyiswe ngawo emphakathini jikelele.
nguDkt uBheni wakwaKhumalo eBaQulusini
eKwaMachanca/eJalimane [Dr Ben Khumalo-Seegelken]
osoBanjiswaneni lokuKhuthaza ukuKhulunywa nokuBhalwa kwesiZulu eMphakathini
04.09.2010
_____
*QAPHA: Indlela eqondile yokulotshwa kwaleli bizo ithi „ubuNtu“; isiphongozo „ubu-“ nesiqu „-Ntu“ kuxhumana kwakhe ibizo elaziwa ngezindlela eziningi ezahlukene: ngesiSuthu „-Botho“; ngesiLathini „humanitas“; ngesiJalimane „[bedingungslose] Mitmenschlichkeit“; ngesiNgisi „[unconditional] humanness“.
² Emazweni aseAfrika angezansi kwenkaba yomhlaba [equator] phakathi koLwandlekazi oluseMpumalanga [Indian Ocean] noLwandlekazi oluseNtshonalanga [Atlantic Ocean]: eAngola, eBotswana, eKhongo, eLesotho, eMalawi, eMozambikhi, eNamibia, eNingizimu-Afrika, eSwazini, eThanzaniya,eZambiya naseZimbabwe.
[…] ausdrücklich verbietet, [diese] atmen und strahlen diesen Leitgedanken gegenseitigen Respekts, „ubuNtu“, und gleichberechtigter Vielfalt […]
[…] develops the concept of interconnectedness-through-wholeness to replace the dominant definitions of ubuNtu – which, she argues, have become increasingly compromised by competing political agendas – and, […]
[…] °ngesiZulu: ubuNtu […]
[…] fragt man sich, erweist sich das viel besungene „ubuNtu“, die bedingungslose Mitmenschlichkeit, die die „Regenbogennation“ auszeichnen sollte, wenn […]